2024-mi inuusuttunut ilinniarfiit

Saqqummersitami uani Kalaallit Nunaanni inuusuttunut ilinniarfinni ilinniartut kisimik sammineqarput. Nunani allani inuusuttunut ilinniarfinni ilinniartut Kalaallit Nunaanneersut Naatsorsueqqissaartarfiup Kisitsisaataasiviani aaneqarsinnaapput

Inuusuttunut ilinniarfimmik naammassinnissimasut

2024-mi Kalaallit Nunaanni 617-inik amerlassusillit inuusuttunut ilinniarfimmik naammassinnissimapput. Ukiuni tulleriinni inuusuttunut ilinniakkamik nammassinnittartut amerliartorsimapput, 2016-imilu naammassinnissimasut 803-ullutik amerlanerpaasimapput. Taamanili ukiumut naammassinnittartut amerlassusaat 23 pct.-inik appariarsimalluni.

Titartagaq 1. 2014-imiit 2024-mut Kalaallit Nunaanni inuusuttunut ilinniarfimmik naammassinnissimasut

Najoqqutaq: Naatsorsueqqissaartarfik – Kisitsisaataasivimmi kisitsisit takukkit (https://bank.stat.gl/UDNISC11D).

2024-mi Kalaallit Nunaanni ilinniarnertuunngorniarnermik naammassinnissimasut 273-iupput, ukiup siuliani 298-usimasut. Inuussutissarsiornermi ilinniakkamik naammassinnissimasut amerlassusaat ukiup siuliani 388-iusimasut 344-inut appariarsimalluni, appariaat 11 pct.-iulluni.

Inuusuttunut ilinniarfinni ilinniakkamik ingerlatsisut

2024-mi Kalaallit Nunaanni inuusuttunut ilinniarfinni ilinniakkamik ingerlatsisut 1.733-nik amerlassuseqarput. Tamanna inuusuttunut ukiup siulianut sanilliullugu 3 pct.-inik appariarsimavoq. 2014-imiilli ilinniartut amerlassusaat 634-nik ikileriarsimapput, appariaat 27 pct.-iulluni.

Inuusuttunut ilinniarfinni ilinniakkamik aallartitsisimasut

2024-mi 1.072-nik amerlassusillit inuusuttunut ilinniarfinni ilinniakkanik aallartitsisimapput, tamannalu 2014-imut sanilliullugu 17 pct.-inik apparsimalluni, tassani inuusuttunut ilinniakkamik aallartitsisimasut amerlanerpaasimapput. Ilinniartuunngorniarnernik aallartitsisimasut 2014-imi amerlanerpaasipput, piffissami 2003-miit 2024-mut inuussutissarsiornermi ilinniakkamik aallartitsisimasut 2016-imi amerlanerpaasut.

Ilinniarnertuunngorniarnermik aallartittartut 17-inik ukiullit amerlanersaapput, inuussutissarsiornermilu ilinniakkamik aallartitsisartut 30-34-nik ukioqartut amerlanersaallutik.

Titartagaq 2. 2014-imiit 2024-mut Kalaallit Nunaanni ilinniakkanik aallartitsinerit

Najoqqutaq: Naatsorsueqqissaartarfik – Kisitsisaataasivimmi kisitsisit takukkit (https://bank.stat.gl/UDNISC11A).